Jinghpaw Wunpawng Chyum Hkawlik a 75 ning hpring Lung Seng Jubili Poi hpe Myitkyina Muklum, Nawng Nang pa hta du na March shata 27 kawn 30 ya laman wu wu di di galaw na re ai lam chye lu ai.
Ndai Jubili Poi hta e Sumtsan manam ni, Mungkan shara shagu na Maigan amyu sha ni hte buga shara shagu na Jinghpaw Wunpawng amyu sha ni mung du sa na re ai majaw manam yup shara (Mandat) ni ya kaw nna hkyen lajang nga ma ai. Manam yup shara ni hpe Myitkyina grup yin buga hpung 23 kawn hpung masha ni hte ramma ni gaw tinang jarik (malu masha) gun sa let gaw gap garum nga ai. March 9-16 ya lamang bungli dabang hpaw let Myitkyina ginwang hte buga shagu na ramma ni gaw jawbum shatsawm ai lamang galaw ai lam chye lu ai.
Jubili Hpaw Poi lamang hpe gaw March 27, 2008 ya shana maga galaw na rai nga ai. March 24-27 shani hta Jawng ma dingsa ni a hkrum zup bawngban hpawng galaw na rai nga ai. N'dai zuphpawng hta tinang jawng a shawng lam hpe jawmg bawngban na re lam chye lu ai. March 29 ya shani hta Nawng Nang Chyum Jawng hte Kutkai Chyum Jawng lahkawng pawng nna Jawng yu poi kaba galaw na lam chye lu ai.
Jinghpaw Wunpawng Chyum Hkawlik 75 Ning Hpring Lung Seng Jubili Poi hta Ramma ni a Hpaji Manau nga ai lam chye lu ai. Manau shadung jun ai lamang hpe March 17 ya jahpawt galaw na rai nna, manau shaman ai lamang hpe March 25-26 shani galaw na re nga ai. Manau nau na nhtoi gaw March 28-29, 2008 ya shani re nga ai. N'dai manau lamang hta Myitkyina ginwang na (Jinghpaw, Lisu, Nung, Rawang) ramma marai 400 hte Waimaw Ginwang, Htingnai Ginwang na ramma yawng marai 700 jan htunghking bu hpun mawn sumli let shang lawm na lam chye lu ai.
Ndai poi hta Ma kaji ni a lamang mung alak mi lajang da ai rai nga ai. Dai lamang hpe gaw March 30, 2008 12:30 PM, 2:30 PM hta Jaw Masat Htingnu, Nawng Nang Chyum Jawng Wang kaw galaw na lam chye lu ai.
March 30 ya jahpawt hta myit malai hkalup hkam la mayu ai ni hpe Hkalup hkam ai lamang nga ai. Hkalup hkam na ni gaw tinang buga kaw Chyum laika sharin hkam la ra na rai nna, ya ten buga shagu mung mying jahpan hta let chyum laika sharin ya na matu hkyen lajang nga ai lam chye lu ai.
Jinghpaw Wunpawng Chyum Hkawlik ngu ai hta Nawng Nang Chyum Jawng hte Kutkai Chyum Jawng lahkawng pawng ai hpe ngu ai rai nga ai. Ya hpang de gaw Waimaw Chyum Jawng mung lawm wa sai rai nga ai.
Jinghpaw Wunpawng Chyum Hkawlik gaw 1932 ning kaw nna maning 2007 Ning hta 75 Ning hpring sai rai nga ai. Nawng Nang Chyum Jawng hta e L.Th,(English, Jinghpaw), B.Th. (English), M.Div. (English) janmau ni hpe jaw nga sai rai nna Kutkai Chyum Jawng hta C.Th. (Jinghpaw), L.Th. (Jinghpaw, English), B.Th. (English) janma
u ni hpe jaw nga sai lam matut chye lu ai.
Ndai Jubili Poi hta e Sumtsan manam ni, Mungkan shara shagu na Maigan amyu sha ni hte buga shara shagu na Jinghpaw Wunpawng amyu sha ni mung du sa na re ai majaw manam yup shara (Mandat) ni ya kaw nna hkyen lajang nga ma ai. Manam yup shara ni hpe Myitkyina grup yin buga hpung 23 kawn hpung masha ni hte ramma ni gaw tinang jarik (malu masha) gun sa let gaw gap garum nga ai. March 9-16 ya lamang bungli dabang hpaw let Myitkyina ginwang hte buga shagu na ramma ni gaw jawbum shatsawm ai lamang galaw ai lam chye lu ai.
Jubili Hpaw Poi lamang hpe gaw March 27, 2008 ya shana maga galaw na rai nga ai. March 24-27 shani hta Jawng ma dingsa ni a hkrum zup bawngban hpawng galaw na rai nga ai. N'dai zuphpawng hta tinang jawng a shawng lam hpe jawmg bawngban na re lam chye lu ai. March 29 ya shani hta Nawng Nang Chyum Jawng hte Kutkai Chyum Jawng lahkawng pawng nna Jawng yu poi kaba galaw na lam chye lu ai.
Jinghpaw Wunpawng Chyum Hkawlik 75 Ning Hpring Lung Seng Jubili Poi hta Ramma ni a Hpaji Manau nga ai lam chye lu ai. Manau shadung jun ai lamang hpe March 17 ya jahpawt galaw na rai nna, manau shaman ai lamang hpe March 25-26 shani galaw na re nga ai. Manau nau na nhtoi gaw March 28-29, 2008 ya shani re nga ai. N'dai manau lamang hta Myitkyina ginwang na (Jinghpaw, Lisu, Nung, Rawang) ramma marai 400 hte Waimaw Ginwang, Htingnai Ginwang na ramma yawng marai 700 jan htunghking bu hpun mawn sumli let shang lawm na lam chye lu ai.
Ndai poi hta Ma kaji ni a lamang mung alak mi lajang da ai rai nga ai. Dai lamang hpe gaw March 30, 2008 12:30 PM, 2:30 PM hta Jaw Masat Htingnu, Nawng Nang Chyum Jawng Wang kaw galaw na lam chye lu ai.
March 30 ya jahpawt hta myit malai hkalup hkam la mayu ai ni hpe Hkalup hkam ai lamang nga ai. Hkalup hkam na ni gaw tinang buga kaw Chyum laika sharin hkam la ra na rai nna, ya ten buga shagu mung mying jahpan hta let chyum laika sharin ya na matu hkyen lajang nga ai lam chye lu ai.
Jinghpaw Wunpawng Chyum Hkawlik ngu ai hta Nawng Nang Chyum Jawng hte Kutkai Chyum Jawng lahkawng pawng ai hpe ngu ai rai nga ai. Ya hpang de gaw Waimaw Chyum Jawng mung lawm wa sai rai nga ai.
Jinghpaw Wunpawng Chyum Hkawlik gaw 1932 ning kaw nna maning 2007 Ning hta 75 Ning hpring sai rai nga ai. Nawng Nang Chyum Jawng hta e L.Th,(English, Jinghpaw), B.Th. (English), M.Div. (English) janmau ni hpe jaw nga sai rai nna Kutkai Chyum Jawng hta C.Th. (Jinghpaw), L.Th. (Jinghpaw, English), B.Th. (English) janma
u ni hpe jaw nga sai lam matut chye lu ai. 
No comments:
Post a Comment