Dai ni gaw yawng hpe Buga shiga langai shana dat mayu ai. Yahte laiwa sai October 14 ya kawn daini du hkra Laiza,Myitkyina buhkawm masha,Hpaga la/Num hte Maw Daw La ni Jam Jau nga ai.
Oct. 14 ya kawn Maw Daw shang/pru ni yawng hpe shana de Hkying ( 6:00pm ), Jahpawt hking ( 6:00Am) Laman Myen ni Lajayang mare kawn pat shingdang da ai lam laiza,Myitkyina Maw Daw gawt ni kawn chye lu ai.
Dai zawn pat shingdang da ai majaw ahkyak let hkawm sa ra ai ( Pyaw hpa lam hte yawn hpa ) ni sa mayu ai shra de aten dep n du lu ai hpe mung buhkawm masha ni hkawn chye lu ai.
Bai Maw Daw la ni tsun ai gaw " Ndai zawn pat da ai sha n ga, Kunrai mung n mai htaw ai. Namsi sadek mi mung n mai htaw lai ai. Gaga kunrai gaw hkum tsun sanu hpa nga yang hpa nan nmai htaw ai. An hte mung kunrai n mai htaw yang gaw gara hku mung n Kai ai. ( " n kai ai" ngu ai gaw n mai bin ai, Myen hku tsu ai rai nga ai.) Sau manu pi bai jat bang ra ai. Dai majaw hkring nga ai gaw pi gaja ai." nga n na tsu wa ai.
Maw DAw Manu
Bai shawoi Van Maw Daw jawn yang maw daw langai kaw marai ( 4 ) jawn ai.
Sawng kaw jawn ai wa gaw. 11,000 ks.
Hpang kaw na ( 3 ) gaw marai mi 7,500Ks. Jaw ra ai.
Ya gaw Sawng kaw Jawn yang 15,000Ks
Hpang kaw Jawn yang 10,000Ks. Rai mat sai.
Dai zawn rawt mat ai lam hpe laiza maw daw lakmat dut ai ni kawn chye lu ai.
Ndai lam hpe yu ga nga yang Laiza a masha chyai ai shara langai rai nga ai Maw Daw daru mung hkun hkraw wa ai hpe mu lu ai. An hte ni yawng Jawm myit yu ga....
No comments:
Post a Comment