Chye na ya marit.

Tsaw Ra hkungga ai Jinghpaw Wunpawng blogger ni hpang de..


Ngai KACHINBEE hku na shut shai ai lam nga yang mung sharai la, lam woi madun la marit.

Hpa majaw Myen laika hku mara ai nga ai hpe shawng tsun mayu ai.

Mabyin gaw. Ngai kaw sa chyai ai manang n kau mi gaw Jinghpaw rai na Jinghpaw laika n chye ma ai.Nkau mi gaw gaga hpu nau ni rai ma ai. Ngai hpang de e-mail hku na Myen fonts hte mai ka hkra galaw shangun ai majaw re. Tinang a shiga hpe yawg hpe chye shangun mayu ai a majaw sha re.Gaga hpa yaw shada lam mung gaw n nga ai.

Bai matut galaw na lam....

Bai galaw na lam ngu ai hta, manang law law wa ngai na cbox kaw ka da ai laika hpe mu hti ai shaloi ngai nan mung myit npyaw ai. Hpa hkum tsang sanu ngai, ngai na blog gabaw kaw nga ai hte maren Jinghpaw hku sha bai ka na hku re. Myen hku mi bai ka na mi nga tim manang ni yawng a myit hkrum ai lam n nga yang n galaw sai lam hpe shana dat mayu ai. Jinghpaw blogger manang ni yawng ngai hpe chye na ya na hpe kam ai. Chye na ya rit ngu mung tsun mayu ai.

Hkungga let
KACHINBEE