Gtalk kaw shang kau da ai mying n ngam ta hkra.

Ndai mabyin ni gaw gara kaw mung byin ai. Rai tim Myen mung kaw gaw grau byin chye ai. Hpa na i? Nga yang Myen mung kaw gaw computer nga tim Internet la lu na matu yak ai. Dai majaw Internet lang mayu ai ni( lang ra ai ni ) gaw Seng kaw sa lang ai. Lusu ai ni hpe gaw n tsun ai le. Nta kaw she n lu ma dawng.

Hpang saga i.Ya ngai tsun dan mayu ai lam ni gaw Internet seng hkan lang ai ni chye gying na re ngu kam ai. Ahkyak ai kun gaw n chye sai. Tinang hkrai daw dan la ga.

An hte ni Gtalk lang ngut na sign out galaw ai shaloi username kaw an hte lang kau da ai mying ni ngam da chye nga ai.Dai zawn ngam ai hpe chye ai ni gaw n ngam hkra nga n na majoi hkan galaw na pru ma ai.

( Ngai nga yang username kaw kkk password kaw kkk dip na hpang na masha ni n mu hkra pat kau da ai)

Ngai mana registery kaw shang na awra dip yu, ndai dip yu rai na mu mat ai re. Ngai zawn kkk ngu na pat kau ai user ni hpe mung registery kaw bai mu ai lu.

( Internet seng hkan bungli galaw ai ni mahkawn tsawm tsawm re ni sa lang na, shi a gtalk id hpe mai yu ai le. Ha ha ha.. Mahkawn kasha ni nga yang mung tinang yu ra ai,myisai htuk ai shabrang ni na ID hpe lu na rai nga.)

Ya ngai n dai post ka ai lachyum gaw dai hku di na matu n re yaw. Dai zawn re ni hpe makawp maka na matu she re. Ndai post hpe hti na tinang a gtalk hpe masha ni nsa lu yu hkra galaw ai hku she re.

Gai gai gai….Hpang ai mung grai galu mat sai. Galaw saga...

1. Start -----Run hpe lata dat u. Dai kaw pru wa ai box kaw regedit ngu ka bang na Enter dip dat u.

2. Pru wa ai Registry Editor bar kaw na HEKY_CURRENT_USER --> Software --> Google --> Google Talk --> Accounts hpe dip u.

3. Hkra maga kaw “ 0 “ nga ai hpe mu na ra ai. Double Click galaw dat ya rit. Data: a npu kaw gtalk lang mat wa sai username ni hpe mu na ra ai. 4. Dai kaw na tinang a mying hpe delete galaw kau u. Garum mayu ai nga yang gaw manang ni na mying hpe mung la kau ya u le.

Re n ngut ai yaw. Myi yet +Accounts hpe yu ai i rai? Ntsa kaw na ni ngut tim +Accounts nga ai hpe mung naw dip yu u. Dai kaw mung tinang shang da ai Username ni hpe naw mu ai.
Tinang a username a ntsa kaw click madun da na right click --> Delete hte la kau u. Rai jang gaw shim ( shim na sai ) sai hku re.

Awng dang u ga..

( langai matsing ya rit. Window XP kaw gaw (+) n dai hku pru ai. Vista kaw rai yang gaw n kap ai.)