Ndai lamang hpe Shatapru Buga Hkalup Hpung Ram Ma ni woi awn let, Dai hpawt Hking 9:00AM kaw n-na shana de du hkra galaw la lu sai hpe ngai KACHINBEE nan du lawm let chye lu ai. Lamang hta Hkaw Tsun Na Sara Nu/La Marai ( 3 ) rai nhtawm, Dai lamang hpe Daw ( 3 ) hku n-na galaw ngut kre la lu sai.
Lamang hpe Youth Pastor rai nga ai Sara Lagwi Ying Kyang woi awn let, Hkalum ga hpe Namhkyek Duwa Zau Seng Tsun lai wa sai. Dai hpang Sara Num/La ni ( 3 ) hpe Rev. Hkalen Tu Hkawng Hku n-na Shachyen ya lai wa sai. Dai hpang Hpung Up Rev. Zumzang Gyung Hkawng Akyu hpyi shaman ya let Lamang hpe shawng Ningnan daw ngut kre la lu sai.
Dai hpang lamang ( 2 ) hku n-na Myitkyina Computer University Jawng Up rai nga ai Dr. Aye Aye Myint woi awn mat wa ai. Sara Num hkaw tsun ai ga baw gaw IT subject that can be learned at Myitkyina CU
( Computer University ) ngu ai re. Ngut ai hpang Ga san ni hpe Sara Num hku n-na htai ya lai wa sai.
Bai Director of Myitkyina MCC , rai nga ai Sara Njoi Naw Seng hku na gaw Youth & Internet ga baw hte hkaw tsun let Ga san ni hpe htai ya let lamang ( 2 ) hpe ngut kre la lu sai.
Dai hpang Rev. Hkalen Tu Hkaw, Malu masha a matu Ahkyu Hpyi ya let, hkring sa hten la nhtawm, Computer World ni a Show Room ( Sales & Service ) hpe yu let, Computer World ni Lajang da ya ai Lunch hpe lu sha let hkring sa ten hpe mung galaw wa ga ai.
Shana daw lamang ( 3 ) hta gaw Sara Ndawng Naw Lum hku n-na Computer education & Professional
( Computer Hpaji hte kanbau bungli ) ngu ai ga baw hpe hkaw tsun dan let Ga san ni hpe htai ya nhtawn
Rev. Hkalen Tu Hkawng Hpung Dim dat Akyu Hpyi ya let Hkaw Tsun Hpawng hpe Shangut la lu sai hku re.
Ndai lamang hta Hpu Nau Kathtawlik Ram ma ni mung du lawm ai hpe mung chye lu ai.
Ndai zawn re lamang ni hpe an hte Jinghpaw Ram ma ni a ginra hte law law galaw lu wa na hpe mung kam n-n-ngai.
