Mung Dan a labau gadun mi Tsun dan ai

I. K.I.O NING BAW, TAI AI, "SAI" HKA, AN NAU NI LU

Nu yen Wa hpang , Jinghpaw Wunpawng amyu ni n-nan rawt malan hpang wa yang.

Wunpawng Mung Dan Gumrawng gumtsa, Shanglawt asuya, Shing teng amying jaw n-na, Myen hpyen asuya a Mung Hpawm Mung dan ahkaw ahkang yawng hpe, laba gaup ai majaw, 1949/2/16 ya shani kaw n-na Du kaba Lahpai Naw Seng, Panglung Mung Hpawm, Myit hkrum ga sadi laika hte, nhtan shai ai, Maw lanyet mung masa, hpyen masa hpe, n-jaw ai, n-ra ai majaw, Mung hpawm Jinghpaw hpyen dap ni hpe woi zinlum n-na gumlan ning hkap hpang wa sai.
1961/2/5 ya shani kaw n-na, Du kaba Lahtaw Zau Seng woi awn ai Myen hpyen, Mung hpawm mung masa hpe, n-rap ra ai, n-tara ai masu magaw, manai makai re, mung hpawm mung masa hkalem ai majaw K.I.A / K.I.O rawt malan hpang sai.

HPA MAJAW DAI NI PAN DUNG SHAI WA AI.

K.I.O hpyen hpung byin mat ai.
Gap hkat jahkring ai K.I.O byin wa ai.
Myen hpyen dap asuya a, mung masa woi awn ai hpe, Madi shadaw ai K.I.O byin wa ai majaw, gawmai gawsha, Nu yan Wa a bunglat hka hpe tsang dik ai.

Myen mung Wunpawng hpu nau yawng hte, grup yin mung dan, yawng ning hkap nga ai kata, K.I.O ning baw ni hte Nu yan Wa, Jinghpaw Wunpawng amyu sha ni a, shing gyim ahkaw ahkang hte, mung daw hpe 2008/5/10 ya Myen hpyen dap asuya hpe gwi gwi hte dut sha dat kau masai.

Nu yan Wa e, Rawt malan wa ai shaning shata nhtoi hte hpyen la hpyen ma ni hte, Mung chying shawa a salu salat, dubaw, hkrat sum kau ai kaman li la rai jang n-mai na re. Ya an nau ni hte rau K.I.O ning baw ningla ni a kasha yawng, Amyu a matu, shawng lam majan pa hta asak ap nawng ai gadai nga wa sata?

II. NU YAN WA DUM NING LEN.

Jinghpaw Wunpawng amyu mung daw masat lu ai, Moi jiwoi jiwa ni, bungli n-lu n-na gumchying gumsa lai hte gasat da ai n-re.
Ra n-na asak du baw si hkam let gasat da ai mung daw re.
Jinghpaw Wunpawng amyu sha ni mayat maya law htam wa n-na, wang lu wang lang galaw sha lu na matu re.
Nga mu nga mai rawt jat galu kaba ai amyu tai wa ai shani, Maigan mung dan yawng hte matut mahkai ganawn mazum hkawm sa hkawm wa lu na matu re.
Tinang mung dan ahkaw ahkang kata na, manu dan ja lung seng ni hte n-hprang sut rai ni, maisak mailung yawng, chyasam ni kaw hpyi n-ra na matu re.
Tinang a ga, tinang a laika, tinang a bu hpun sumli, tinang a htung hking, tinang a labau, tinang amyu mung dan sharawt lu na matu re.
Shada makawp maga ganawn mazum, garum shing tau hkat myit hkrum n-gun shabawn, tara mai gan yawng e, hkrit hkunga, agam n-na, tinang amyu htung hking makam masham hpe, gadai nroi lu hkra myit mada n-na, gasat maga da ai lamu ga gin ra re.
K.I.O ning baw ni hte N.D.A /K.D.A / Lasang Awng hpung yawng hte e tinang kashu kasha ni a matu mung myit yu ga. Madu sak hkrung nga ai laman na hpe sha yu n-na tinang kashu kasha ni a shawng lam, ban hte ban, prat hte prat htum n-nga ai mat n-mai, prai ngu ai n-lu, hka ni hpe an nau ni gun ra saga ai.

Ka ai..
Nu yan Wa hte ning baw ningla ni jaw ai amyu yubak, gun ndang madai taw ai Kasha.
( U HKAI )

Jing Hpaw Wun Pawng Myu Sha Ni Myit Yu Na Lam...

Jing Hpaw Wun Pawng Amyu Yawng A Lit Kaba ( 3 )

1. Mung Hpawm Mung dan, ngang grin na lam, yawng a lit.
2. Jing Hpaw Wunpawng amyu sha yawng, Myit hkrum kahkyin gumdin nthen na lam, yawng a lit.
3. Jing Hpaw Wunpawng amyu, Hkum zup ( Daru magam ) ahkaw ahkang grin na lam yawng a lit.

Jing Hpaw Wun Pawng Amyu Yawng Ninghkap

1. Jasam kam n-na, tinang amyu ntsa, n-gaja ning mu, hpaji jaw ai ni hpe ning hkap.
2. Mung daw simsa rawt jat kalu kaba lam hta, dingbai dingna jaw ai ni hpe ning hkap.
3. Jing Hpaw Wun Pawng amyu shada lapran, shang chying lau ai ni hpe ning hkap.
4. Mung Daw ntsa, Myu sha Kata, jahten sharun ai ni hpe ning hkap.

Jing Hpaw Wun pawng Amyu Yawng A Mung Masa Lam ( 4 )

1. Mung Daw simsa n-na, buga ginra ngwi pyaw wa na lam hta, rap ra tara up hkang masa byin pru wa na lam.
2. Amyu shada sindun machyi chye, myit hkrum n-gun shabawn sa wa na lam.
3. Ngang grin ai rap ra tara n-nan, shalat lu na lam.
4. Grin shalat shapraw lu ai, rap ra tara uphkang masa hte maren, rawt jat ai mungdaw byin pru wa na lam.

Jing Hpaw Wun Pawng A Myu Yawng A Sut Masa Lam ( 4 )

1. Hkai lu hkai sha hpe madung tawn n-na, kaga sut masa lam hpe, gaw sharawt sa wa na lam.
2. Ahkaw ahkang ngang grin ai, gat lawk sut masa byin pru wa na lam.
3. Shing gan de na, mung daw kata na, sut masa ning hkring ni hpe, saw shaga hpaji ja gumhpraw n-gun arang gang, gaw sharawt sa wa na lam.
4. Mung daw sut masa lam yawng, mung daw asuya hte, mung chying shawa hte seng na lam.

Jing Hpaw Wun Pawng Shing Gyim Nga Sat Lam ( 4 )

1. Jing hpaw wun pawng amyu sha yawng, nga sat nga sa madang tsaw wa na lam.
2. Jing hpaw wun pawng amyu hte mung daw asuya arawng, " sai " , " laswi " kraw kata, rawng na, labau htung hking hte laili laika n-mat hkra, sawk sagawn sum hting sa wa na lam.
3. Jing hpaw wun pawng amyu marai, myit shagreng, myu tsaw mung tsaw, magrau grang shawang tsaw ra myit, garang shatai sa wa na lam.
4. Jing hpaw wun pawng mung daw amyu yawng, hkam ja lam, laika hpa ji ni hpe, sharawt sa wa na lam.


" Sen " , " Wan " Si Ai Bawm Hta Grau, ( Myu htum ) Tsang Dik Ra ( 6 )

1. Jing hpaw wun pawng amyu sha, makawp maga myu tsaw mung tsaw, ring hpung ni a lapran, n-teng n-man, shi shawk shi tsun, jahpoi ahpyak lam. ( Sadi )
2. Jing hpaw wun pawng amyu sha ni a, rawt jat kalu kaba sa wa ai lam hta, shada ding bai dingna jaw hkat ai lam. ( Sadi )
3. Jing hpaw wun pawng amyu yawng a, shari hta ahtu hkra ai hpe, shing gan de shana shabra lam. ( Sadi )
4. Jing hpaw wun pawng amyu sha masa, mung masa, hpyen masa, gahkyin gumdin sa wa ai hta, shada lapran sinpawt la htet byin shangun ai lam. ( Sadi )
5. Labau htung hking hte, laili laika, ayai aya n-byin na lam. ( Sadi )
6. jing hpaw wun pawng amyu shada, hpyen n-law hkra, koi yen lam. ( Sadi )

Lahta na lam hpaji jaw ai hpe madu hte ning mu n-bung ai rai yang, mara dat ya marit.

Ka ai...
L.Dang Wa

MUNG KAN N TSA HTA AMYU LANGAI NGA N NA GRIN NGA LU NA MATU MUNG MASA HTE, MUNG MASA NING BAW NINGLA A HKYAK AI.

Mung kan ntsa hta amyu langai mi nga n na prat pra sa wa ai hta Mung masa galaw ai masha n- nga jang amyu gaw mat mat na sha rai nga ai. Amyu langai grin nga lu na matu asak, n sa, gaw mung masa sha re. Mung masa ningbaw ningla kaja byin tai wa na matu gaw Kanu a hkritung kaw n na hkan sa ra ai n kau mi hpe lawu de shaleng dan n ngai..

1. Kanu hkamja lam, Ma, Kanu a hkritung kaw rawng nga ai a ten hta na hkam kaja lam, Kanu a matu malu masha san seng, n- gun rawng ai baw jaw sha ra ai. Dai rai jang she Ma n- gun rawng, hkam kaja bawng ring galu kaba wa baw nu n-gun rawng ai Ma lu la na re. Grau n na mai byin yang gaw Sara wun ni matsun ai malu masha ni hpe jaw sha yang grau mai nga ai.

2. Shangai wa ai hpang ma prat kaw n na malu masha hpe hkum hkrang n- gun baw nu n- gun rawng ai malu masha hpe jaw sha ra ai. Dai majaw grau n na a hkyak ai malu masha ni hta U di, Langu si,Shapre,Nga chyu, Nga kasha zawn re ai ni hpe mung ram daw jaw sha yang mai nga ai.

3. Ma prat kaw n na ngang grin ai makam masham hpe dawk bang sharin a chyin ya ra ai.

4. Ma prat kaw n na amyu hpe tsaw ra ai, mungdan hpe tsaw ra ai, myutsaw mungtsaw myit ni hpe dawk bang ya ra ai.

5. Ma prat kaw n na chye ging ai Jiwoi jiwa ni a mung masa labau ni hpe kaba ai ni kawn sharin a chyin hkai dan ra ai.

6. Ma prat kaw n na tinang a htung hking maka lailik laika ni hpe sharin hkaja hkam la shangun ra ai.

7. Ma prat kaw n na shawang myit kaba, myit masin kaba, sai kaba ai lai akyang hte a sak hkrung sa wa na matu sharin a chyin shakyang ya ra ai.

8. Ma prat kaw n na manaw manang law law hte kanawn mazum, woi awn ning shawng lu ai, ap nawng gwi ai atsam rawng hkra re ai hpaji ni hpe sharin shakyang dat ya ra ai. Tinang hkrai dinghkrai n na nga ai hpe koi gam shangun ra ai. Tinang a dum nta hta rai tim nta masha ni the alum ahkum rai nga woi ra ai.

Ndai lahta na lam ni hpe ma prat kaw n na hkan sa sharin a chyin la lu jang kaba wa ai ten hta ning baw ningla kaja byin tai wa lu na matu hpa n-yak la sai. Ya ning baw ning la jawng kaw, shing nrai dakkasu kaw sharin hkaja la ai lam ni gaw ta tut galaw sa wa ra ai lam ni hte,tatut hkan sa ra ai tara ni hpe sharin achyin ningja, gang bang ya dat ai hpang jahtum na ning baw ning la shabyin dat ya ai jawng rai nga mali ai.

Dai majaw mahkri tung, ma prat kaw na sharin a chyin hkan sa ai lam n-nga jang, kaba wa jang ningbaw ningla mung masa kaja, magrau grang hkumtsup ai n-mai byin ai sha, lawu na ma ni hte, mung shawa ni hpe myitdaw myithten shangun n-na amyu sha ting pyi hkrat sum mat wa chye ai. Dai majaw amyu a ningbaw ningla ni sha n-rai a myusha yawng, hkumdin shagu mung masa hka ja, mung masa chye ra nga ga ai.

Ya prat na Du salang n-kau mi ma ni hpe " mung masa hkum galaw " nga n-na pat hkum shingdang ai ni nga ai, dai gaw shut ai lam rai nga ai.Mung masa galaw tim, ngalaw tim mung masa gaw chye da nga ra ga ai. Hpamajaw nga yang Me pa mi sha bang na pyi gaw mung masa n chye jang kaning re ai ningbaw wa hpe lata na, kaning re ai pati ( wuhpung ) ni gaw amyu sha hpe woi awn lu na, n lu na ngu ai hpe daw dan la ra nga ga ai.

Dai majaw mungchying sha hkumdin shagu mung masa chye ra nga ga ai. Mungkan ga gaw lani the lani galai shai rawt jat wa ai hta a an hte Jinghpaw Wunpawng amyu sha ni mung lam shagu hta myit mang kahkyin gumdin let rawt jat wa ra nga ga ai hpe dum hprang let ningbaw ningla kaja nja rawng, gang rawng ai amyu byin tai hkra shakut shaja sa wa ga ngu ga saw dat n ngai law..

Ka ai.

Salang N Sang Tu Awng