Chyeju Dum Poi galaw lai wa

Mani Nov. 9. 2008 ning, Laban ya shani hta, MIWA Mungda,Yunnan Mungdaw,Dehong ginwang, Ruili (Shweli) kaw na Hkalup Hpung ginjaw rai nga ai, Hka Se Nawku Thingnu e, Chyeju Dum Poi galaw lai wa sai lam hpe, shana dat mayu ai.

Ndai chyeju dum poi galaw ai lam gaw, tinang a yi, sun, hkauna kaw na, shawng n-nan lu ai nsi naisi ni hpe Karai Kasang kaw ap ya let, Lu la ai nsi naisi ni a matu chyeju dum poi galaw ai hku re. Ndai poi hpe laning mi kalang ndai zawn galaw ai lam mung chye lu ai.

Ndai poi hta Miwa mung nga, hpunau ni sha n-rai, Myen mung na hpunau ni hpe mung saw shaga let galaw lai wa sai. Dai sha n-ga Ruili makau grupyin Lungshawn, Jegawng
hte Muse hkan na hpunau ni mung sa du lawm ai hpe mung gahtap chye lu ai.

Ndai zawn Karai Kasang hpe chyeju dum poi galaw ai hta, shana na ten hta mung Htunghking Kamanawt hte Yungwi pinra ni hpe mung, dai, Naw Ku Htingnu e matut galaw ai lam hpe chye lu ai.

Dai lamang hta gaw, moi na hkawnzet ni hte buga ramma ni, Ruili makau grupyin na Nawku hpung ni mung shang lawm ai hpe chye lu ai.

Ndai zawn lu galaw ai a marang re, buga ramma ni hku hku, hkau hkau rai wa ai. Buga Hkritsatan hpung ni zinlum wa ai hpe mu lu ai hku re.