Ndai poi lamang hpe Bangkok Chruch kaw shana de Bangkok hking 3:30 PM – 6:00 PM lapran hta galaw mat wa na re.
“ Ramma ni a Awng padang, Yehowa Karai Kasang” ngu ai gabaw a npu e galaw sa wa na ndai lamang hpe Wunzup Rawt Jat Ramma Komiti ni woi awn galaw ai re lam hpe mung chye lu ai. Poi lamang galaw ai a yaw shada ai lam gaw, Wunzup Rawt Jat Nawku Hpung a Gabu kara shiga htawn tsun ai hte Nawku Jawng a ra mara hta jai lang na matu Alu tam ai poi re hpe mung chye lu ai.
Ndai poi hta, poi shang Lakmat dut ai ladat hte Alu tam ai hku re. Lakmat 1 mi hta BAHT 50 re lam hpe mung shana dat mayu ai.
Wunzup Rawt Jat Ramma ni gaw, buga shara shagu na, ndai Thai mung dan de du sa let, nkau mi gaw Jawng Lung, nkau mi gaw kanbau bungli galaw nga ai ni hkrai rai ma ai. Ndai zawn Hpaji tam ai ni hte amu bungli galaw shakut nga ai ni hta, aten nlu tim, lu ai aten hpe Karai Kasang kaw ap nawng let, shang lawm ai poi de, Nang, Ngai yawng sa du shang lawm na hpe saw shaga dat ga ai.
