Subscribe For Free Updates!

We'll not spam mate! We promise.

4-Lang na OKCK Shawa Zuphpawng Shaga Laika



De/-
Jinghpaw Wunpawng myu sha ni yawng,

    Jinghpaw Wunpawng myu sha ni shanu shingbyi nga ai shara shagu de, Maigan du Jinghpaw Wunpawng Hkristan Koinonia hpung (Overseas Kachin Christan Koinonia) kaw nna ngwi pyaw nga u ga, shakram let 2010 ning, November 23 – 29 lapran, Wunpawng Christan Church, Chaingmai Thailand (WCC) kaw, galaw na 4 – lang na OKCK shawa zuphpawng de sa du shang lawm na matu hkungga la ra saw shaga dat n ngai law.
Kanu mungdan de nga ai Asak 70 hpring sai Karai Kasang a magam gun Jinghpaw Wunpawng sara Usa ni hpe, laning mi kalang Alu gumhpraw shagun jaw nna chyeju shaman hkam la na matu yaw shada let OKCK hpe 2006 ning December 9 ya shani, Bangkok mare kaba hta Singapore, Malaysia hte Thailand kaw shanu shingbyi nga ai Jinghpaw Wunpawng sha ni Karai Kasang a chyeju shing nyip n pu e myit hkrum mang rum let hpaw ninghtan da lu saga ai. OKCK magam bungli hpe myit hkrum mang rum galaw sa wa lu na matu ginjaw rung hpe mungdan shara shagu de lahkawng ning kalang htawt sit na matu myit hkrum da saga ai.
OKCK hpung a yaw shada ai hte maren sara kaba ni hpe karum sa wa ai lam hta 2007/08 ning hta Myen mungdan shara shagu de na sara kaba 32 hpe lap sen mi hpra, yawng ( lap sen sum-shi lahkawng ) Alu shinggyin la lu ai hpe shagun jaw lu saga ai. 2008/09 ning hta sara 59 hpe lap mun jahku hpra, yawng ( lap sen manga-shi masum, mun mi )  lu shinggyin la lu ai hpe shagun jaw lu saga ai. 2009/10 ning hta sara 71 hpe lap mun matsat, hkying manga hpra, yawng ( lap sen kru-shi, mun masum hte hkying manga ) shinggyin la lu ai hpe shagun jaw saga ai. Ndai sara ni hpe Karai Kasang woi la ai ten du hkra shaning shagu Alu jaw mat wa na hku re. Alu hkam la ai sara kaba nkau mi mung Karai Kasang woi la ai nga sai. Ndai magam bungli hta shang lawm Alu jaw bang ai kashu kasha ni yawng chyeju shaman lu ai sha n ga, Alu hkam la ai sara kaba ni a matu mung, na chying akyu rawng nga ai hpe lai wa sai masum ning lamang mu lu saga ai. Laning hte laning sara Usa ni OKCK de matut mahkrai ai lam law wa ai hte maren Alu jaw bang ai hpung shawa mung law wa magang sai hpe mu lu ai majaw Karai chyeju shakawn n ma rai nga saga ai.
OKCK a magam bungli matut galaw sa wa na lam, 2011 – 12 lapran Singapore de htawt sit na gingjaw rung hta magam gun na OKCK Executive Comitee hpe lata san da lu na matu yaw shada let OKCK shawa zuphpawng hpe Chiangmai mare kaba hta, 2010 ning, November 23 – 29 ya lapran lawu de na lamang hte maren galaw sa wa na rai ga ai majaw, ndai hpawng de sa du lawm na matu saw shaga dat ga ai law.


     Hkristu a magam hta,
                                                                                                                  
                                                                                                               Rev. Hpawyam Latt Aung
                   (OKCK, Ningbaw)



4-Lang na OKCK Shawa Zuphpawng Lamang

Shara;        WCC, Chiang Mai, Thailand
Nhtoi;        November 23 - 29, 2010

Hpawng Lamang;
November 23 (Tuesday)
Jahpawt;    - Manam zup, Shachyen shaga
Shani;        - OKCK Shawa hpawng hpaw nawku lamang
  Hpawng hpaw mungga ga - Rev. Hpauyam Latt Aung (Ningbaw, OKCK)
Shana;        -Hkap tau lamang Yungwi Pinra CONCERT
( Chiangmai, Bankok, Banmai, mungdan shagu na ni )
 
November 24 (Weddnesday)
Jahpawt;     - Jahpawt manap Nawku ten
Shani;        - Chyum laika sharin
 Sharin sara – KBC Amu Madu Kaba Rev. Dr. Hkalam Samson
Shana;        - Yungwi Pinra CONCERT  
( Buga de na Yungwi ninghkring ni hte
Gamung naura Jawncho Yaw Ying & TAKAW )


Noverber 25 ( Thursday )
Jahpawt;    -OKCK kasa ni a zuphpawng
Shani;        -Chiang Mai mare shinggrup yu chyai hkawm ten
Shana;        -Mungdan shada n-gun jaw garan kachyan lamang

November 26 ( Friday )
Jahpawt;    -Ban Mai Jinghpaw Kahtawng de manau poi lawm lung wa na
               Shana;         -Yungwi Pinra CONCERT lawm nna, Ban Mai kaw Shana yup hkring sa na.

November 27 ( Saturday )
Manau ka manawt,
Shana;        -WCC, Chiang Mai de bai yu wa na

November 28 ( Sunday )
WCC nawku hpung a 2010 ning CHYEJU DUM POI
Mungga - Rev. Lahpai Ja Naw (KBC)

November 29 ( Monday )
Jahpawt;    -Shakram ap nawng nawku hpawng
               
Manam bra wa na. 



Ndai laika hpe google Documents kaw na yu na nga yang Ndai kaw dip
na mai yu ai.
Email kaw sa ya na hpe ra jang " Tsun Mayu ai Nga yang " ngu ai kaw, Madu a Email hpe jaw da ya rit. Shing n rai Ning Mu ( comment ) kaw mung, mai ka da ya ai hku re.

  
Kachinbee. Powered by Blogger.